Властите во Гватемала соопштија дека бројот на настрадани во сообраќајната несреќа на автопат кога камион удри во група луѓе е 18, а не 32, како што првично беше соопштено.
Министерот за здравство Карлос Сото изјави дека во несреќата се повредени 18 лица, меѓу кои има и деца.
Портпаролот на противпожарната служба Сесило Чакај истакна дека до несреќата дошло кога камион удрил во група луѓе кои излегле на пат да проверат во каква состојба е едно лице, кое претходно било удрено од автомобил.
Чакај истакна дека конфузијата во првичните информации довела до тоа неговата единица да наведе погрешен број жртви.
– Луѓето прво изјавија дека загинале 30 па дури и повеќе лица, но кога ја разгледавме областа можевме точно да ги преброиме телата, рече Чакај.
Несреќата се случила во местото Нахуала, западно од Гватемала Сити.
– Во овој момент ги координираме акциите за да им дадеме целосна поддршка на семејствата на жртвите. Најискрено сочувство, напиша претседателот на Гватемала, Џими Моралес.