Гватемала осуди поранешни војници на 30 години затвор поради силување домородни жени

Од:

Највисокиот суд во Гватемала осуди петмина поранешни членови на паравоена организација на 30 години затвор поради силување на десетици домородни жени од Маите, за време на граѓанската војна во земјата во 1980-тите.

dobivaj vesti na viber

Мажите се членови на таканаречените патроли за цивилна самоодбрана, вооружени групи формирани и поддржани од војската, пренесува Би-Би-Си.

Триесет и шесте жртви имале од 12 до 52 години кога злосторствата се извршени, посочија обвинителите.

– Имаше масакри. Многу жени беа силувани. Имаме болка во срцата, изјави Антонина Вале, една од преживеаните.

Околу 200.000 лица беа убиени или исчезнати во конфликтот од 1960 до 1996 година.

Откако биле силувани, мажите уринирале врз жртвите.

Надвор од судот, Вале појасни дека останала бремена по силувањето. Детето подоцна умрело.

– Ги замолив да ме поштедат, но не сакаа да ме послушат. Тоа што се случи со нашите животи и нашите тела, не е фер, додаде таа.

Друга жртва, Максима Гарсија, била бремена кога ја силувале.

– Бев во седми месец од бременоста. Го изгубив моето момче. Мајка ми беше силувана во осмиот месец од бременоста и тие ја убија. Ја оставија да виси во куќата, рече Гарсија.

Во 2016 година, двајца поранешни припадници на војската, беа осудени на вкупна затворска казна од 360 години за убиство, силување и сексуално ропство врз домородните жени со потекло од Маите.

Извор: МИА

Би можело да ве интересира

Камионет падна во провалија во Гватемала, загинаа 17 лица

Ана Ололовска

Претседателот на Гватемала воведе вонредна состојба на северот од земјата по насилните протести против рудниците за никел

Ана Ололовска

Во Атина запленија 350 кила кокаин сокриен во вреќи со кафе од Гватемала

Жарко Настоски

Седуммина загинати во бунт во затвор во Гватемала

Ана Ололовска

Мексико ја затега безбедноста на границата со Гватемала

Ана Ололовска

ВИДЕО: Втора ерупција за три дена на вулканот Пакаја во Гватамела

Ана Ололовска