Во Сиднеј најлош ден од пандемијата, петмина починати и најмногу заразени за 24 часа

Од:

Властите во Сиднеј соопштија дека денеска е најлошиот ден од пандемијата на Ковид -19, со пет смртни случаи за 24 часа и рекордно зголемување на локалните инфекции, во време кога градот е во карантин неколку недели како мерка за борба против позаразната Делта варијанта на вирусот.

„Четворица од петте починати не биле вакцинирани, додека едниот ја примил првата доза“, соопштија здравствените власти во австралиската држава Нов Јужен Велс.

– Ве молам, сега е време да размислите одлучно за вакцинацијата, а тоа првенствено се однесува на постарите лица кои не се имунизирани, рече Кери Чент, највисокиот здравствен службеник во Нов Јужен Велс.

Властите, исто така, најавија еднонеделно затворање од вечерва во регионот северно од Сиднеј, каде што се наоѓа вториот по големина град во Њукасл, откако се пријавени нови случаи и пронајдени траги од вирусот во канализацијата.

Според денешниот извештај, 259 нови случаи на Ковид-19 се регистрирани во Сиднеј, од 262 пријавени во целиот Нов Јужен Велс.

Премиерката Гледис Береџиклијан ја поврза стапката на вакцинација со ублажувањето на ограничувањата до 28 август, поставувајќи цел од шест милиони дози до крајот на месецот, што ќе опфати половина од возрасната популација на земјата, која досега примила околу четири милиони вакцини.

Би можело да ве интересира

(ВИДЕО) Илјадници огномети во Сиднеј, спектакуларно добредојде за 2023 година

Горан Наумовски

Брод за крстарење закотвен во Сиднеј со 800 патници заразени со коронавирус

Горан Наумовски

ВИДЕО: Се евакуираат 50 илјади луѓе, вонредна состојба во поплавените делови во Австралија

Илајдници евакуирани во Сиднеј поради големите поплави

Евакуација во Сиднеј поради нови поплави

ВИДЕО: Снимки од емотивни семејни средби на аеродром, Австралија конечно ги отвори границите

Катерина Павлова-Николовска