Со донесување акциски план, во Рим вчера е завршен дводневниот состанок за спречување на финансирање на Исламска држава. Копреседаваа САД, Саудиска Арабија и Италија.
Состанокот е завршен со усвојување на акциски план за кој италијанското МНР вели дека има за цел да укине извори на приходи, капацитети за пренос на средства и економска стабилност на групата.
Американското Министерство за финансии наведува во соопштение дека клучните чекори вклучуваат укинување на нерегулирани дознаки на пари и спречување Исламска држава да користи готовина, нафта, културни добра и други ресурси.
Исламска држава презеде контрола над делови од Сирија и Ирак.