Претседателот на Венецуела Николас Мадуро ја оквалификува хаваријата од која без струја беа 12 венецуелски држави како „преврат насочен против народот“.
Во изјава за локална телевизија, Мадуро за таа акција ги обвини фашистички десничарски групи „под контрола на северот“ кои водат војна против Венецуела и сакаат да предизвикаат уништување на економијата. Без електрична енергија се 12 од 24 венецуелски држави. Хаваријата се случи околу еден часот попладне по локално време.
Претходно, на Твитер наведе дека хаваријата е „акција од страна“ и ја постави армијата во воена готовност. Екипи од државната електродистрибуција работат на отстранување на дефектите и во многу места веќе има струја, јавуваат локални медиуми.