Моторен чамец со 27 лица, од синоќа се води како исчезнат во Отрантскиот канал, јави дописникот на МИА од Тирана.
Во текот на ноќта и денеска поморските патроли трагаат по чамецот, по добиената инфомација од италијанските колеги.
„Иако потрагата беше интензивна, се уште не е лоциран чамецот, поради немањето точни информации за местото каде се наоѓал“, соопштуваат локалните медиуми.
Првичните информации говорат дека чамецот со илегалци имал дефект во моторот и оти помош кај италијајските поморски патроли побарало лице кое било во чамецот.
Потрагата продолжува во регионот на Пулиа со четири брода и еден италијански хеликоптер.
Во потрагата беа вклучени два албански брода, два хеликоптера на британските трупи стационирани во албанската воена база Пашалиман, каде има заедничка албанско-британска вежба, четири италијански бродови и еден италијански хеликоптер.