Кинеската полиција утрово во западната провинција Синџијанг, уби 13 лица кои до полициската станица донеле автомобил и активирале експлозивна направа, пренесе „Синхуа“.
Агенцијата наведе дека во инцидентот полесно се повредени тројца полицајци, но дека меѓу повредените нема цивилни граѓани.
Пред пет дена кинеските власти извршија смртни казни над 13 лица, кои беа осудени за тероризам и тешки злосторства во регионот на Синџијанг.
Уште три лица истиот ден беа осудени на смрт, едно доби доживотна казна, а четири лица затворска казна од пет до 20 години поради терористичкиот напад на плоштадот Тјенанмен, во кој загинаа двајца туристи.
Кинеската државна телевизија пренесе дека судот во западна Кина пресудата ја донел врз основа на обвинение за инцидентот од октомври минатата година, кога автомобил влета на централниот полоштад во Пекинг, кој во тој момент бил преполн со туристи.
Е. Г.