Јорданскиот крал Абдула Втори нареди да биде обновено Министерството за одбрана, со цел да се зајакне армијата, која е под силен притисок поради војните во соседните земји – Сирија и Ирак, како и поради големиот притисок од сириските бегалци.
Според јорданската државна информативна агенција Петра, Министерството за одбрана ќе биде задолжено со невоена логистика, администрација, инвестиции и развој, со што армијата ќе може да се посвети на своите воени и професионални задолженија.
По традиција јорданскиот премиер е и министер за одбрана, иако Министерството не постои од 50-тите години од минатиот век.