Египет и Јордан бараат итен прекин на огнот, за САД тоа само ќе го остави Хамас на власт

Од:

Американскиот државен секретар Антони Блинкен се сретна со министрите за надворешни работи на Јордан и Египет во Аман, главниот град на Јордан.

Клучниот момент на прес-конференцијата беа повиците на Јордан и Египет за итен прекин на огнот, но Блинкен јасно стави до знаење дека САД не ги поддржуваат тие барања.

„Примирјето едноставно ќе го остави Хамас на власт, способен да се прегрупира и да го повтори она што го направи на 7 октомври“, рече американскиот висок дипломат на прашањето на новинарите за тоа.

„Пред само неколку дена, висок функционер на Хамас изјави дека нивната намера е да се повтори 7-ми октомври одново. Ниту една нација, ниту еден од нас, не може да го прифати тоа“, додаде Блинкен.

Блинкен го потврди правото на Израел на самоодбрана, но нагласи дека е важно и како Израел го прави тоа, односно максимално да се грижи за цивилните жртви.

Министрите за надворешни работи на Египет и Јордан беа прашани дали имало разговори за иднината на Газа без Хамас.

Египетскиот Самех Шукри рече дека таквите разговори би биле предвремени и дека фокусот треба да остане на моменталната ситуација.

Ајман Сафади од Јордан рече дека сегашниот фокус е на запирање на оваа војна и дека не е можно да се размислува за иднината кога не е јасно каква ќе биде Газа.

Сафади јасно посочи дека е неопходно да се разгледа конфликтот во целост и дека се потребни разговори за „враќање на решение со две држави“.

Би можело да ве интересира

Хамас повика на ескалација на сите фронтови

Горан Наумовски

ВИДЕО: Над 300 тела пронајдени во масовна гробница кај болница во Газа

Израелската полиција уапсила две лица кои со своето возило налетале на тројца пешаци

Ердоган се сретна со лидерот на Хамас и ги повика Палестинците на единство против Израел

Лидерот на Хамас пристигна во Истанбул, ќе се сретне со Ердоган

Катерина Ѓуровски

Америка го ограничи движењето на својот дипломатски персонал во Израел