Палестинските здравствени власти денеска објавија дека најмалку десет лица загинале, а најмалку 30 се повредени во израелските воздушни напади врз центар за дистрибуција на храна во бегалскиот камп Џабалија во северниот дел на Појасот Газа, истакнувајќи дека меѓу жртвите има жени и деца, пренесе Ројтерс.
Претходно денеска медиумите објавија изјава од болница во окупираната палестинска енклава во која се наведува дека во израелски воздушен напад врз училиште во централниот дел на Појасот Газа, кое било претворено во засолниште, загинале најмалку 20 лица, меѓу кои и деца.
Американската агенција АП утрово јави дека две жени се убиени во израелскиот напад извршен во неделата вечерта во блискиот Нусејрат.