Италијанската полиција денеска заплени 1.200 килограми марихуана, кои во Италија биле внесени од Албанија и биле наменети за италијанскиот наркопазар.
Во акцијата спроведена во местото Мартињано во покраината Лече, се уапсени четири лица, двајца албански и двајца италијански државјани. Дрогата била запленета во моментот кога четворицата уапсени ја товареле во камион.
Полицијата запленила и неколку парчиња оружје и околу 400 куршуми. Во голема акција на италијанската полиција спроведена вчера во областите Венето, Тоскана, Ломбардија, Пиемонт и Лацио, беа разбиени две албански криминални организации и беа уапсени 43 лица.
Двете групи од шверц на дрога и други нелегални активности, месечно заработувале околу два милиони евра.