Фабрика за обувки вчера попладне се урна во источна Кина. Најмалку девет лица загинале, а над 30 се ранети, пренесоа американските медиуми, повикувајќи се локалните власти.
Уривањето на фабриката се случило во градот Ванлин, во провинцијата Чеѕијан.
Од соопштението на локалните власти се дознава дека од под урнатините биле извадени 42 лица. Сите биле пренесени во болница, каде девет од нив починале.
Причината за инцидентот се уште се истражува.