Во Иран денеска има најголем број новозаразени од почетокот на пандемијата

Од:

Иран денеска забележа речиси 35.000 нови случаи на луѓе заразени со коронавирусот, што е нов рекорд, откако бројот на заразени во понеделникот достигна 31.814.

Здравствените власти денеска забележаа 157 смртни случаи, со што вкупниот број починати од Ковид-19 се доближи до 90.000.

Алармантното ширење на делта-сојот ги натера властите да воведат нови ограничувања во земјата – наредено е затворање на државните канцеларии и јавните места во Техеран.

Иран, кој ја претрпе најтешката епидемија на вирусот, во исто време се бори со остри санкции од САД, глобална изолација, топлотни бранови и протести поради недостиг на вода на југозападот од земјата.

Здравствените работници предупредуваат дека болниците во главниот град Техеран се преполни, додека само помалку од три проценти од Иранците се целосно вакцинирани.

Иранската влада објави дека нејзината домашна вакцина обезбедува околу 85 отсто заштита од коронавирусот, без да открива податоци и детали од испитувања.

Иран ја увезе и руската вакцина „Спутник В“, а доби и одредено количество дози од вакцината „АстраЗенека“ преку програмата Ковакс, поддржана од СЗО.

Би можело да ве интересира

Бајден: Пандемијата на невакцинираните мора да престане, невакцинираните ја загрозуваатт економијата

А1он

Шеф на иранската дипломатија: Иран наскоро ќе ги обнови нуклеарните преговори

А1он

Норвешка ги укинува сите ограничувања воведени поради пандемијата на Ковид-19

А1он

Во Русија најмногу починати од Ковид-19 за еден ден

Ана Ололовска

СЗО препорача коктел од антитела против Kовид-19

Ана Ололовска

Осум грчки региони во црвената зона со полициски час и забрана за музика во угостителските објекти

Ана Ололовска