Бројот на жртви од експлозијата на плинска боца во еден ресторан во централна Индија нарасна на 104, откако беа откриени нови безживотни тела, информира денеска полицијата.
-Во овој момент потврдено е загинувањето на 104 лица. Обдукцијата е завршена во 82 случаи, додека уште 22 тела треба да бидат прегледани, телефонски изјави инспектор на полицијата за француските медиуми.
До експлозија дојде утринава околу 8.30 часот по локално време (5 часот по средноевропско) во ресторан во округот Џабуа во индиската сојузна држава Маѓа Прадеш, во кој во тој момент појадувале поголем број работници и ученици, изјави Сима Алава, висока полициска службеничка.
-Во ресторанот имало голема турканица бидејќи многу луѓе појадувале. Затоа бројот на жртвите е толу голем, изјави таа, додавајќи дека во несреќата има повредено и околу 60 лица.
Алава додаде дека заради силината на експлозијата дошло до уривање на блиската зграда, додека неколку други се оштетени. Бидејќи ресторанот се наоѓал во близина на место каде се држи експлозив што се користел во градежната индустрија, дошло и до уште една експлозија, во која, исто така, имало погинати.