Доброволци, меѓу кои и британскиот амбасадор во Романија, делеа топла супа на бездомници во Букурешт, каде што се смета дека околу 5.000 лица спијат каде што ќе стигнат во лоши услови, при што 300 лица годишно умираат од студ и болести.
Десетици бездомници добија топла супа, чај и кафе денеска при температури од минус пет степени целзиусови во близина на железничката станица во романската престолнина, каде што се собираат многу луѓе без покрив над главата во градот со двомилионско население.
Девет автопати се блокирани поради снежната бура. На места има прекин во електроснабдувањето, а затворени се и некои училишта. Во источниот округ Ботошани 10.000 лица од пет населени места се изолирани.