Вирусот H7N9 се појави и на југ во Кина, соопшти Владата во Пекинг што е вторпат во изминатите два дена да се пријавуваат случаи на птичји грип на нови локации.
Здравствените власти во југоисточната кинеска провинција Фуџијан потврдија дека од новиот птичји грип заболел еден 65-годишник.
Вчера кај еден 69-годишник од источната провинција Џијангси потврдена е зараза со висурот H7N9.
Досега од новиот вид птичји грип во Кина заболеа повеќе од 110 луѓе од кои 23 починаа. Најголем дел се регистрирани во источна Кина. Еден случај на заболен од новиот грип е пријавен и на Тајван.