Австриската Служба за заштита на уставноста и борбата против тероризмот (БВТ) ги набљудува руските агенти во Австрија.
Според доверлив документ на ЦИА, на кој се повикуваат австриските медиуми, БВТ направил список на руски разузнавачи, со кој треба да се овозможи побрзо идентификување на осомничените.
Како што се наведува во документот, австриската служба ги набљудува руските шпиони.
Инаку, во безбедносниот извештај на австриското Министерство за внатрешни работи е констатирано дека е екстремно зајакната активноста на руските агенти, но истовремено се негира и постоењето на ваков список.