Украинскиот претседател Володимир Зеленски ја посети воената позиција на линијата на фронтот во близина на опколениот источен град Бахмут, се вели во соопштението од неговиот кабинет.
.@ZelenskyyUa near Bakhmut pic.twitter.com/iVKRDZRwcD
— Iuliia Mendel (@IuliiaMendel) March 22, 2023
За време на посетата Зеленски „слушал“ извештаи за оперативната ситуација и текот на воените дејствија на линијата на фронтот, се наведува во соопштението.
Тој се сретна и со украинските војници и со едноминутно молчење во спомен на загинатите во војната.
– Чест ми е што сум денеска овде, на истокот на нашата земја, во Донбас, да ги наградиме нашите херои, да ви се заблагодарам, да се ракувам. Ви благодариме што ја заштитивте земјата, суверенитетот, истокот на Украина – рече тој.
Јулија Мандел, поранешната портпаролка на Зеленски, сподели видео на кое рече дека го прикажува претседателот во близина на Бахмут, пишува Гардијан.
Андриј Јермак, шефот на канцеларијата на украинското претседателство, на Твитер напиша дека заедно со претседателот Зеленски ги посетил и позициите на фронтот во Бахмут.
Јермак пишува дека му било „голема чест“ што е таму „до нашите херојски воини“.
– Бахмут стои. Одбранбените сили го држат градот – рече Јермак.