Украинскиот претседател Володимир Зеленски денеска изјави дека Украина планира да испрати четворица официјални лица да се сретнат со делегација на САД во Саудиска Арабија на разговори за постигнување мир во Украина.
Зеленски изјави дека украинскиот тим ќе го сочинуваат шефот на Кабинетот на претседателот на Украина (ОПУ) Андриј Јермак, шефот на Министерството за надворешни работи (МНР) Андриј Сибиха, министерот за одбрана Рустем Умеров и заменик-шефот на ОПУ Павло Палиса, пренесе УНИАН.
„Следната недела ќе ја започнам со посета на Саудиска Арабија, а по мојата средба во понеделник со престолонаследникот, украинските дипломатски и воени претставници ќе останат на средба во вторник со американскиот тим“, рече Зеленски.