Војната во Сирија остави големи последици, како во животите на локалните жители, така и траги на градовите, кои полека умираат под секојдневните борби и немири.
Во Кобане каде што курдските борци се борат против приврзаниците на ИСИС, речиси и да нема живот.
Една од фирмите која се уште функционира во овој мртов град е пекарница, која 20 години била затворена, но сега ги снабдува со леб уморните борци и исцрпените цивили.
Репортерот Џејк Симкин направи ексклузивен извештај од внатрешноста на градот, каде што од септември се води страшна борба, а бројот на жртви е се поголем.
Децата се играат во рововите кои настанале од експлозиите, бидејќи тоа е единственото што им останало од она што некогаш го имале.Куќите, училиштата и продавниците се претворени во урнатини и прав.
Курдите некако успеваат во својата замисла да ги сопрат милитантите благодарение на 270 воздушни напади на коалицијата и помош во вид на оружје од САД.
Од 50.000 жители во овој град останале само околу 2.000 односно, оние кои веруваат дека борбите еден ден ќе престанат.
Во меѓувреме тие спијат во напуштени автомобили и импровизирани шатори, додека бодликава жица и мини ги делат територите на двете држави.
Е. Г.