Десетици луѓе може да се заробени под урнатините на грчката православна црква Свети Порфириј во Појасот Газа, уништена од израелските бомбардирања, објави во денеска весникот „Нафтемборики“, повикувајќи се на извори од Газа.
Во извештајот се вели дека црквата била бомбардирана од Израел доцна во четвртокот.
„Според извори во околината, десетици Палестинци најверојатно загинале под урнатините на една од најстарите цркви во Газа. Поголемиот дел од убиените се парохијани, кои побарале засолниште од воздушните напади во историската зграда на црквата Свети Порфириј и се раселени лица од северните и јужните области на Газа“, пишува весникот.
„Тие [изворите] проценуваат дека околу 1.000 луѓе нашле засолниште во црквата, училиштето и другите објекти“, се вели во извештајот.
Архиепископот Тивериополски Алексиос од Ерусалимската патријаршија во ексклузивен коментар за грчката телевизија ЕРТ-1 изјави дека во моментот на нападот во зградата имало околу 400 луѓе.
Свети Порфириј е најголемата црква во Газа и третиот најстар христијански храм во целиот свет.
Пред една недела беше објавено дека целта била Црквата, што се покажало дека е лажно.
🇮🇱🇵🇸Footage from the Israeli bombing of the oldest christian church in Palestine – the Greek-Orthodox Church of Saint Porphyrius. 500.Christians were seeking shelter in the church when it was bombed.
40 Christians have been killed! pic.twitter.com/tvwXMlXqK2
— Dr. Anastasia Maria Loupis (@DrLoupis) October 20, 2023
„Погодија канцеларии и влезот на манастирот. Испукаа проектил, а целата зграда се урна. Имаше многу христијани внатре. Многу од нив беа повредени, а некои загинаа“, рече надбискупот од црквата.
„Ќе ни требаат булдожери за да видиме колку луѓе се затрупани под урнатините“, додаде свештеникот.
Во меѓувреме, Министерството за надворешни работи на Палестина соопшти дека во бомбардирањето на црквата Свети Порфириј во населбата Ал-Зајтон во јужна Газа загинаа две лица – едно девојче и една жена. Десетици луѓе се здобија со различни повреди. Зградата на црквата претрпе сериозни оштетувања, а уништена е и зграда до неа.
🇮🇱☦️ Israel just bombed the Orthodox Christian Church of Saint Porphyrius in Gaza which was serving as a refuge for 500+ displaced people.
It is over a thousand years old.
Bodies are currently being pulled out of the destruction. pic.twitter.com/CkF9s5iYvN
— Jackson Hinkle 🇺🇸 (@jacksonhinklle) October 19, 2023
Движењето ХАМАС го опиша нападот како „уште едно злосторство на Израел против религиите и невините цивили“ и ја повика глобалната заедница да го осуди.
Ситуацијата на Блискиот Исток остро ескалира по упадот на милитантите на Хамас од Појасот Газа во Израел на 7 октомври. Хамас го смета нападот како одговор на израелските акции против џамијата Ал Акса на ридот на храмот во Ерусалим. Израел прогласи целосна опсада на Појасот Газа и почна да изведува напади врз таа област и делови од Либан и Сирија. Судири има и на Западниот Брег.