Германскиот министер за надворешни работи Јохан Вадефул во саботата во Њујорк се сретна со рускиот колега Сергеј Лавров, што е прва билатерална средба на министрите од почетокот на руската инвазија врз Украина во 2022 година.
Средбата се одржа на маргините на Генералното собрание на ОН, во руската просторија за состаноци, траеше повеќе од 20 минути, а заврши со ракување меѓу двајцата министри.
Лавров изјави дека средбата со Вадефул била непотребна и дека не забележал напредок во однос на нивните претходни разговори.
💬 #Zakharova: Germany’s FM @JoWadephul requested a meeting with FM #Lavrov.
Yet his staff demanded restricted media access, no questions, no audio of opening remarks & an embargo on materials.
👉 The “Western democracy of the beautiful garden”…https://t.co/8tRgoBHETS pic.twitter.com/XkddZ21USa
— MFA Russia 🇷🇺 (@mfa_russia) September 26, 2026
За германската новинска агенција „ДПА“ тој рекол дека не слушнал „ништо поинакво“ од она што Берлин јавно го кажува секој ден.
„Можеше само да ми се јавиш и да кажеш: ‘Прочитај го моето соопштение’“, го пренел Лавров разговорот со германскиот министер.
Според Лавров, Германија го побарала состанокот еден ден претходно, „во последен момент“. Тој додал дека разговорот оставил впечаток дека Вадефул дошол со одредена скриена порака и очекувал отстапки од Русија во врска со Украина и пловидбата во Црното Море.
По состанокот, Вадефул изјави дека и понатаму постојат длабоки несогласувања околу напорите за завршување на војната во Украина.
„Тоа беше интензивен разговор. Се разбира, не се согласивме за клучните прашања“, изјави тој за германската телевизија ЗДФ.
Вадефул рече дека понудил деескалација, особено во однос на ситуацијата во Украина, но оти „не наишол на подготвеност за слушање“.
Тој додаде дека било важно да му укаже на Лавров дека Германија „не прифаќа работи како нападот со дрон во Лајпциг“ и дека тоа претставува неприфатлива ескалација.
„Можеме да се браниме и ќе го направиме тоа“, рече Вадефул.
Германската влада ја смета Русија за одговорна за инцидентот со неексплодираниот дрон на аеродромот во Лајпциг, што Москва го отфрла.