Силно невреме во текот на викендот го зафати источниот брег на САД, од Вашингтон до Мејн, при што беа откажани повеќе од 400 летови, а во еден момент без електрична енергија останаа повеќе од 100.000 домаќинства и деловни објекти.
Според податоците на сервисот за следење на прекини во снабдувањето со електрична енергија PowerOutage.com, во саботата во 21:37 часот по локално време, повеќе од 73.000 домаќинства и деловни објекти во Конектикат, Њујорк, Масачусетс, Њу Џерси, Род Ајленд и Пенсилванија сè уште биле без струја.
Powerful winds and towering waves are battering the US Northeast, causing flight chaos and blackouts.
Flooding has already hit areas like Atlantic City and the Jersey Shore, with officials warning of more rain to come. pic.twitter.com/HCCbbOySHa
— Al Jazeera English (@AJEnglish) September 27, 2026
Во Њујорк и Конектикат поединечно биле регистрирани повеќе од 20.000 објекти без електрична енергија.
Претходно во текот на денот, во Конектикат, Њујорк, Пенсилванија и Њу Џерси биле регистрирани вкупно повеќе од 100.000 прекини во снабдувањето со електрична енергија.
Поплави зафатија делови од Њу Џерси, од округот Берген на северот до Кејп Меј на јужниот дел од државата. Во неколку крајбрежни места биле спроведени доброволни евакуации.
Стадионот „Метлајф“ во Ист Радерфорд соопшти дека концертот на рок-групата AC/DC, кој требало да се одржи во петокот, е одложен за 2 октомври.
SURF CITY NJ 🇺🇸
Roads across Surf City on Long Beach Island are completely underwater as a powerful nor easter pushes storm surge into the area .streets have turned into waterways with flooding reaching homes in some locations#SurfCity #NJwx #Flooding pic.twitter.com/tB12cOvZLo
— Sumit (@Sumishiv1406) September 26, 2026
Според податоците на сервисот FlightAware, до 21:50 часот по локално време во саботата биле откажани 445 летови поврзани со аеродроми во САД, додека 3.016 летови доцнеле.
Американската Национална метеоролошка служба (NWS) предупреди дека невремето до понеделник ќе носи крајбрежни поплави, опасни морски струи, силни налети на ветер и обилни врнежи во регионите на Средниот Атлантик и Нова Англија.
Гувернерите на Њујорк и Њу Џерси во петокот прогласија вонредна состојба во окрузите за кои се очекуваше да бидат најпогодени, меѓу кои и Њујорк.
Гувернерот на Конектикат го активираше државниот центар за управување со вонредни ситуации.