Уништувачки пожари зафатија огромни шумски предели во централна и северна Калифорнија, а огнената стихија им се заканува на илјадници домови. Државата, која во моментов се бори со епидемијата на Ковид-19 и има најголем број заразени од сите сојузни американски држави, прогласи вонредна состојба поради пожарите.
Американските медиуми пренесуваат дека пожарите во голем интензитет продолжуваат да се шират во окрузите Напа и Сонома, а во моментов се зафатени повеќе од 50.000 хектари.
Од Државната агенција за противпожарна заштита велат дека доколку пожарот продолжи и понатаму да се шири со истиот интензитет, тој ќе претставува закана за околу 25.000 објекти.
Wildfires in California pic.twitter.com/WAwOD5wZPG
— Nature is Lit? (@NaturelsLit) August 20, 2020
Големите пожари кои избувнаа во западниот дел на САД веќе два дена создаваат силен чад во небото околу Сан Франциско, а со тоа го загрозуваат квалитетот на воздухот што влијае негативно на здравјето на жителите на овој милионски град.
Поради сериозноста на ситуацијата, локалните власти во текот на ноќта ги евакуираа жителите на околните населби, вклучувајќи ги и вработените од блиската воздухопловна база „Тревис“.
Dramatic footage from the ground shows rapidly growing Lake Fire burning in California as it expands to 10,000 acres, with evacuations ordered. https://t.co/oge9kWXqQ9 pic.twitter.com/mRFHQql37e
— ABC News (@ABC) August 13, 2020
Од пожарот беше зафатен и автопатот помеѓу Сан Франциско и Сакраменто. Во округот Сан Матео и Санта Круз, југозападно од Сан Франциско, на околу 20.000 лица им беше наредено итно да се евакуираат.
Американските власти известија дека досега повеќе од дваесет домови се целосно уништени.