Локалните власти објавија снимка од камера на телото на полицаец кој застрелал 11-годишно момче во Мисисипи. На видеото се гледа како Грег Каперс, полицаец од Индијанола, пристигнува во домот на 11-годишната Адериен Мари рано едно утро минатиот мај, откако момчето повикало полиција бидејќи неговиот татко и се заканувал на мајка му.
Прикажан е и моментот кога Каперси го застрела невооруженото момче во градите, во моментот кога момчето влегло во собата и ги кренало рацете. Момчето преживеало, но се здобило со сериозни повреди и морало да оди на скапа терапија, пишува Ројтерс.
Во декември полицаецот беше ослободен на суд бидејќи поротата заклучи дека немал криминална намера кога пукал во момчето.
Родителите на момчето поднеле и граѓанска тужба против полицаецот, градот Индијанола и началникот на полицијата. Тие бараат отштета од пет милиони долари за „непромисленото непочитување“ на правата и безбедноста на семејството Мари од страна на Каперс.