Во вчерашниот руски ракетен напад врз станбена населба во Писочин, населено место во близина на Харков, загинаа најмалку три лица, а 25 беа повредени. Украинската национална полиција соопшти дека меѓу загинатите се 16-годишно момче и две жени на возраст од 19 и 51 година. Ракетата паднала во близина на продавница и станбени згради, пренесува „Киев Индепендент“.
Russia struck a densely populated residential area in Pisochyn with a missile, near apartment buildings and grocery stores.
Three people were killed: a 19-year-old girl, a 51-year-old woman, and a 16-year-old boy. https://t.co/4bo5Xstti1
— Pepel Klaasa (@pepel_klaasa) October 11, 2026
Меѓу повредените има и две девојчиња на возраст од девет и 13 години. Сите повредени се пренесени во болница, а засега не е објавено колку се сериозни нивните повреди.
Нападот во Писочин се случил истиот ден кога Харков, вториот по големина град во Украина, бил погоден со две наведувани бомби. Во нападот врз градската населба Немишљански загинало едно лице, а најмалку осум биле повредени.
Украинскиот претседател Володимир Зеленски ја истакна зачестеноста на руските напади.
„Само оваа недела Русите лансираа околу 1.450 воздушни бомби, 75 ракети од различни типови и повеќе од 1.640 ударни дронови, од кои околу 60 проценти се на млазен погон“, изјави Зеленски.
Русија редовно изведува напади врз цивилната инфраструктура низ Украина. Харков и околината често се мета поради близината на линијата на фронтот.