Над пет милиони луѓе го гледаа последниот лет на кралицата Елизабета Втора додека нејзиниот ковчег и посмртните останки беа пренесени од Единбург, Шкотска во Лондон во вторникот вечерта. Тоа е летот што го следат најмногу луѓе во историјата, беше објавено.
Flightradar24, веб-страница која ги следи летовите на авиокомпаниите ширум светот, објави дека 4,79 милиони луѓе го следеле летот онлајн, а уште четвртина милион луѓе го гледале летот на YouTube.
Final flight of Queen Elizabeth II sets all-time flight tracking record.
Between web, apps, and live stream, 5 million people followed the flight from Edinburgh to RAF Northolt on Flightradar24. https://t.co/sCCrSadVLk pic.twitter.com/sdE9VMyH8f
— Flightradar24 (@flightradar24) September 13, 2022
Компанијата соопшти дека шест милиони луѓе се обиделе да го следат летот во првата минута од полетувањето на Boeing C17A Globemaster од аеродромот во Единбург, загрозувајќи ја стабилноста на платформата.
Queen Elizabeth II leaves Scotland for the final time. pic.twitter.com/DTYWmKHLbS
— Royal Central (@RoyalCentral) September 13, 2022
„Седумдесет години од првиот лет на кралицата со BOAC Argonaut Atalanta, последниот лет на кралицата Елизабета Втора е најследен лет во историјата на Flightradar24“, објави директорот за комуникации на компанијата во е-пошта.
Елизабета, монархот со најдолг стаж во Британија, почина на 8 септември во замокот Балморал во Шкотска. Нејзиниот погреб ќе се одржи на 19 септември во Лондон.
Flightradar24 објави дека двојно повеќе луѓе го следеле тој лет од претходниот рекордер. Претходно, 2,2 милиони луѓе го следеа летот на претседателката на Претставничкиот дом на САД, Ненси Пелоси, кога таа отпатува во контроверзна посета на Тајван во август.