Демонстрантите низ Иран повторно се судрија со безбедносните сили по смртта на млада жена во полициски притвор, а иранската државна телевизија рече дека бројот на жртвите од немирите најверојатно е 26, без да излезе со други детали.
На социјалната мрежа Твитер објавена е снимка како маж удира една жена, но набрзо потоа е совладан и казнет од толпата.
This man in Iran slapped a woman. He thought he could get away with it. Things are different right now. pic.twitter.com/moHKrtKwkh
— Frida Ghitis (@FridaGhitis) September 22, 2022
Иран во меѓувреме го попречи пристапот на интернет до надворешниот свет, заострувајќи ги ограничувањата на популарните платформи што се користат за организирање митинзи како Instagram и WhatsApp.
Водител на државната телевизија доцна во четвртокот изјави дека 26 демонстранти и полицајци биле убиени откако протестите избувнаа минатата сабота по погребот на 22-годишната Махса Амини, без да објасни како властите стигнале до таа бројка.