Белоруските власти објавија фотографии и видео од Александар Лукашенко, со цел да се стави крај на еднонеделните шпекулации за неговото здравје.
На видеото се гледа дека неговата лева рака е во завој.
Медиумите веќе укажаа на неговиот зарипнат, исцрпен глас кој наводно покажува дека е во лоша здравствена состојба.
„Колку што разбрав, ситуацијата не е критична, но сепак е загрижувачка“, рече тој, тешко зборувајќи на средбата со генералите.
Amid rumors of his declining health, Lukashenko decided to appear in public.
He reinforced suspicions with this video as he spoke with obvious difficulty and looked like he was wearing makeup. pic.twitter.com/FWiKNJ8UAE
— Anton Gerashchenko (@Gerashchenko_en) May 15, 2023
Во претходниот период имаше гласини дека е примен во болница по враќањето во Минск, но информацијата не може да се потврди.
„Александар Лукашенко е болен. Нема Ковид, само е уморен. Треба да се одмори. Само што се разболе“, изјави за рускиот портал претставникот на Думата и заменик-шеф на Парламентарната комисија за постсоветски држави Константин Затулин.
Затулин дури рече дека знае „од што боледува Лукашенко“, но не навлегува во дијагнозата, а портпаролот на Путин, Дмитриј Песков додаде дека „грдо е да се шпекулира и да се зборува за нечие здравје“.