Пекинг на почетокот на оваа недела ослободи група на индиски војници кои беа заробени во текот на смртоносниот судир на граничниот појас помеѓу Индија и Кина.
Во судирот беа усмртени 20 индиски војници, но исто така беше забележана и штета на спротивната страна.
Ослободените војници заедно со мајорот и капетанот беа предадени во Њу Делхи по разговорите помеѓу армиите на двете соседни земји.
Армијата на Индија не ја коментираше веста, но подоцна во соопштение објави дека ниту еден нивен војник не бил наведен како исчезнат.
Во судирот кај Хималаите помеѓу двете сили, усмртени се 20 индиски војници, а се претпоставува дека на кинеска страна биле убиени 10, пренесе „RT“.
#China's People’s Liberation Army (PLA) has been conducting intense military drills amid border clashes with #India pic.twitter.com/ruGmoeQvfH
— RT (@RT_com) June 19, 2020
Иако Пекинг призна дека има жртви и од нивната армија, во јавноста не откри колку погинале во вооружениот судир долж границата.
Во Индија беа организирани и протести каде демонстрантите ги запалија знамињата на Кина како и фотографии на кинескиот претседател, Си Џи Пинг.