Израелската армија утринава соопшти дека ја презела оперативната контрола на палестинската страна на јужниот граничен премин Рафа во Газа, кој се граничи со Египет, и дека специјалните сили ја проверуваат областа. Армијата соопшти дека од синоќа силите „оперираат“ во дел од источен Рафа, каде што повеќето луѓе и некои меѓународни организации се евакуирани.
IDF captures Rafah crossing on Gaza-Egypt border – Israeli flags were raised there – The Times of Israel
Israeli army troops and tanks reportedly entered the checkpoint from the Palestinian side, after which vehicles carrying aid and passengers were stopped from passing… pic.twitter.com/DeKsJOAiG3
— NEXTA (@nexta_tv) May 7, 2024
Во раниот утрински брифинг со новинарите беше речено и дека преминот Керем Шалом утрово е затворен од безбедносни причини и ќе биде повторно отворен кога ќе дозволи безбедносната ситуација. Портпаролот на граничната служба во Газа изјави дека израелски тенкови се распоредени долж преминот Рафах.
Три извори за Ројтерс изјавија дека протокот на хуманитарна помош преку преминот е запрен.
Израелската армија вчера изврши воздушни напади врз Рафа, неколку часа откако им нареди на Палестинците во јужниот дел на Појасот Газа да се евакуираат и покрај предупредувањата од меѓународната заедница да не се спроведува план за копнена инвазија.
Се шири загриженоста дека се приближува израелска копнена инвазија на Рафа, град на југот на палестинската енклава каде што повеќе од милион бегалци пристигнаа од други делови на Појасот. Израел со месеци се заканува дека ќе влезе во Рафа, град за кој тврди дека има илјадници борци на Хамас и потенцијално неколку десетици заложници.