Војската на Израел објави дека открила невообичаено голем бетонски тунел обложен со железо, дизајниран да ги транспортира автомобилите на милитантните борци од Газа сè до границата со Израел. Уништување или онеспособување на стотици километри подземни премини и бункери е една од целите на офанзивата што ја започна Израел откако членовите на Хамас го нападнаа Израел на 7 октомври.
EXPOSED: The biggest Hamas terrorist tunnel discovered.
This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL
— Israel Defense Forces (@IDF) December 17, 2023
На само 100 метри јужно од контролниот пункт, армијата им го покажа на новинарите излезот од тунелот за кој вели дека е голем проект на Хамас. Тунелот се спушта дијагонално до длабочина од 50 метри, а има и електрични приклучоци. Премините се широки и високи три метри.
Главниот портпарол на израелската армија, контраадмирал Даниел Хагари, изјави дека тунелот е долг четири километри и може да се искористи за да се стигне до градот Газа, некогаш центар на администрацијата на Хамас, кој сега е уништена борбена зона.
Тоа е „најголемиот тунел што го најдовме во Газа наменет да го таргетира преминот (Ерез)“, рече Хагари, без да прецизира дали бил користен од Хамас за нападот на 7 октомври. „Во овој тунел беа инвестирани милиони долари. Беа потребни години за да се изгради овој тунел. Возилата можеа да минуваат низ него“, додаде тој.
Генерално, тунелите што им ги покажа на медиумите Хамас или израелската армија беа тесни и ниски, наменети за движење на вооружени лица пеш. Тунелот што му го покажа на Хагари има шахти што се спуштаат вертикално, што како што рече Хагари сугерира дека е дел од поширока мрежа.
Тунелите се предизвик за израелските инженери кои се загрижени дека Хамас може да крие заложници во нив. Овој факт ја забавува офанзивата на Израел.