Црвеното знаме е подигнато над џамијата Џамкаран во светиот ирански град Ком предизвика силни реакции низ целиот свет. Тоа е редок симболичен чин што во шиитската традиција означува повик за одмазда и порака дека е извршено сериозно злосторство против заедницата.
За разлика од универзалното значење на црвената боја, во контекст на шиитскиот ислам таа претставува крв што сè уште не е осветена. Кога се крева над Џамкаран – џамијата поврзана со верувањето во доаѓањето на 12-тиот имам Мехди – пораката е уште посилна: тоа е најава за сериозен одговор, воен.
Iran je zvanično podigao crvenu zastavu nad kupolom džamije Jamkaran, prvi put u modernoj istoriji. Persijska je tradicija da se crvena zastava podigne kao znak objave rata ili osvete. pic.twitter.com/uIM5X6Ouag
— Џyлc (@doprinositelj) June 13, 2025
Сличен потег беше забележан во 2020 година, по атентатот врз генералот Касем Солејмани, кога беше подигнато и црвеното знаме, проследено со иранска одмазда против американските цели во Ирак.
Со оглед на тоа што Израел вчера изврши напади врз иранските нуклеарни постројки и фабриките за балистички ракети, Техеран очигледно одлучи да испрати симболична, но многу јасна порака – црвената линија е премината. Во овој контекст, кревањето на знамето укажува на подготвеноста на Иран да одговори.
Иако непосредната реакција беше ограничена на испраќање беспилотни летала кон израелска територија, сè укажува дека следните чекори би можеле да бидат многу порешителни.