Најмалку 19 лица се повредени, вклучувајќи и едно дете, кога пиротехничкото средство експлодираше во публиката за време на традиционалниот огномет на фестивалот „Рајнкирмес“ во Диселдорф, објавија локалните власти.
Според полицијата и противпожарните служби, меѓу повредените има најмалку едно дете, а четири лица се тешко повредени, пишува „Билд“.
Несреќата се случила синоќа кога огномет „излегол од курсот“ и експлодирал ниско над земјата.
Очевидци тврдат дека дури две ракети завршиле во публиката, а противпожарната служба наведува дека повредените се однесени во блиските болници, најверојатно со изгореници.
Еден од организаторите на фестивалот изјави дека е можно лансирната рампа да се превртела, предизвикувајќи го рикошетот.
Во моментот на експлозијата, голем број членови на противпожарната служба, брзата помош и полицијата веќе биле на местото на настанот, кои веднаш реагирале.
Сведоците велат дека и посетителите помогнале, пружајќи прва помош. И покрај инцидентот, огнометот траеше неколку минути додека густ чад се издигаше над Рајна.
Саемот набрзо беше затворен, а организаторите објавија дека размислуваат дали огнометот ќе остане дел од програмата во наредните години.
Полицијата ја истражува причината за несреќата.