(ВИДЕО) Гори Рио де Женеиро: Паравоените банди палат низ градот како одмазда за убиството на „господарот на војната“

Од:

Гувернерот на државата Рио де Жанеиро, Клаудио Кастро, вети дека ќе му возврати на организираниот криминал откако паравоените гангстери извршија напад без преседан на јавниот транспортен систем во Рио, палејќи десетици возила во, како што политичарот ги нарече „акти на тероризам“. Криминалците наводно запалиле најмалку 36 автобуси, четири камиони и воз, во еден од најголемите криминални напади во историјата на Рио.

Нападите, наводно, биле како одмазда за полициското убиство на висок водач на паравоена банда по име Матеус да Силва Резенде. „Тој беше познат како „Господар на војната““, изјави десничарскиот гувернер на Рио на вонредната прес-конференција вчера вечерта. Ерупцијата на насилство, драматична дури и за земја која со децении се бореше со криминал кој одзема илјадници животи секоја година, доведе до застој во делови од најпознатиот бразилски град и принуди да се затворат најмалку 45 училишта.

Нападите наводно се случиле во најмалку девет различни области – Космос, Кампо Гранде, Инхоаиба, Гуаратиба, Мадуреира, Пасиенсија, Санта Круз, Сепетиба и Рекреио дос Бандеирантес – дом на околу еден милион луѓе.

Владините претставници и медиумските извештаи го припишуваат насилството на милициите, политички поврзани групи во мафијашки стил кои презедоа контрола врз огромни делови од Рио во изминатите две децении.

Гувернерот Кастро рече дека 12 криминалци биле уапсени во врска со нападите и ќе бидат обвинети за „терористички дела“. „Не се сомневам дека утре ќе биде многу поуреден и помирен ден“, им рече тој на новинарите, ветувајќи дека ќе се бори жестоко против таквите криминалци, „24 часа на ден, седум дена во неделата“. „Злото нема да триумфира над доброто“, рече Кастро, предупредувајќи ги организираните криминални групи да не се осмелуваат да ја предизвикаат државата.

Насилството започна неколку часа по пукањето на Резенде (24), за кој се вели дека е внук на еден од најозлогласените криминални босови во Рио, Луис Антонио да Силва Брага, паравоен командант со прекар Зињо. Резенде, наводно, бил убиен за време на полициска операција во Трес Понтес, фавела која е озлогласено упориште на милицијата.

Би можело да ве интересира

Српската репрезентативка преживеала пекол: Прво ја нападнале со ножеви, па и ставиле пиштол на глава

Предраг Петровиќ

(ВИДЕО) Големи поплави и загинати во Бразил

Мистерија за убиениот Србин во Бразил: Член на Шкаљарскиот клан, кој беше убиен пред семејството

А1он

(ВИДЕО) Најмалку 25 лица загинаа во сообраќајна несреќа во Бразил

Горан Наумовски

Бразил испраќа војска на границата со Венецуела, расте стравот од нова војна

Катерина Ѓуровски

ВИДЕО: Хаос на Маракана – масовна тепачка на трибините во Бразил

Предраг Петровиќ