Белгород повторно беше подложен на масовен напад со беспилотни летала рано утрово, при што три лица загинаа, а 25 други беа повредени во нападот на украинските сили изјави денес вршителот на должноста гувернер на градот, Александар Шуваев.
Белгород подвёргся масштабной атаке БПЛА.
Местные жители сообщают о мощной атаке беспилотников на город, которая продолжается уже больше часа. По словам очевидцев, повреждены многоквартирные и частные дома, в центре Белгорода загорелся автомобиль, небо над городом в дыму.#сво pic.twitter.com/Bp1Y1dxhfI
— Світлана Комендант (@3Mwsm11j1mpkYcB) August 8, 2026
„За жал, според последните информации, тројца цивили се убиени“, рече Шуваев во објава на платформата Max, објави РИА Новости.
Според него, 25 лица се повредени во нападот врз Белгород, кој е оддалечен околу 40 километри од границата со Украина, вклучувајќи деца на возраст од четири и девет години.
Шуваев рече дека едно повредено дете е хоспитализирано со умерено тешки повреди, а дека 13 возрасни лица се лекуваат во болници, од кои еден е во критична состојба.
Тој додаде дека по украинскиот напад избувнале пожари во две станбени згради, кои брзо биле изгаснати.
Според Работната група на регионот Белгород, во нападот се оштетени околу 30 куќи, три јавни и шест канцелариски згради, како и повеќе од 30 возила.
Рускиот истражен комитет наводно започнал кривична истрага за терористичкиот напад.