На железничката станица во Мелбурн, безбедносна камера забележала момент кој можел да заврши трагично. Имено количка во која имало мало дете, сама започнала да се движи по платформата, се превртела и паднала на шините.
Станува збор за осумнаесетмесечно девојче, кое било со својот дедо. На видео записот се гледа дека дедото стои пред автомат и купува билет, додека количката со детето тргнува низ платформата.
-Детето со глава падна врз челичните шини и се здоби со значајна повреда во пределот на очите – изјави еден очевидец.
Кога дедото видел што се случува, веднаш отрчал до работ на платформата и скокнал. Луѓето кои што во тој момент биле на станицата му помогнале и детето е пренесено во болница. Како што се наведува лекарите соопштиле дека девојчето е во стабилна состојба.
Е. Г.