ВИДЕО: „Дајте вакцини, и ние сме приоритетна група“, протестираат бразилски сексуални работнички

Од:

Веќе една недела, сексуалните работнички во бразилскиот град Бело Хоризонте, кои по затворањето на хотелите биле приморани да опслужуваат клиенти на улица, протестираат барајќи повисок приоритет во вакцинацијата против Ковид-19.

Тие велат дека се во „првите борбени редови“ и дека треба порано да добијат пристап до вакцината, поради тоа што се среќаваат со разни луѓе во нивната работа.

„Ние сме во првите редови, ја движиме економијата и сме под голем ризик. Мораме да се вакцинираме,“ изјави за Франс прес Сика Виеира, претседателката на Асоцијацијата на сексуални работнички на државата Минаш Шераиш.

Таа и другите жени протестираа на улицата полна со хотели во кои тие некогаш работеле. Носеа транспаренти со натписи: „Сексуалната работа е здравство,“ „И секс-работничките се медицински професионалци“ и „Ние сме приоритет“.

„Ние сме приоритетна група затоа што сме здравствени едукатори. Ние даваме информации за сексуално преносливите болести кај мажите, делиме кондоми…,“ рече Виеира.

Бразилската влада ги одреди лекарите и медицинскиот персонал, наставниците, повозрасните луѓе, домородците и луѓето со ослабнат имунитет како приоритетни групи за вакцинација. Земјата се надева дека 77-те милиони луѓе ќе бидат вакцинирани во првата половина на годината, но тоа ќе биде тешко поради недостатокот од вакцини.

Од последиците на Ковид-19 во Бразил досега починаа над 332.000 луѓе. Само во вторникот, земјата регистрираше нови 86.979 случаи на болеста и рекордни 4.195 починати.

Би можело да ве интересира

ВИДЕО: Во Бразил ајкулите тестирани на кокаин, сите биле позитивни

Катерина Ѓуровски

(ВОЗНЕМИРУВАЧКО ВИДЕО) Масакр на плоштад во Бразил: Напаѓачите извадија девет млади луѓе од кафуле, па ги застрелаа

Горан Наумовски

(ВИДЕО) Аеродром во Бразил e поплавен: „Салгадо Фиљо“ ќе е затворен до крајот на мај

Големи поплави во Бразил, загинаа 83 лица, 111 се исчезнати

(ВИДЕО) Гори зграда од 28 ката во Бразил

Горан Наумовски

Во Србија: Мајка ја принудувала малолетната ќерка на проституција