Бразилскиот претседател Жаир Болсонаро кој се зарази со новиот коронавирус, објави денеска на својот Фејсбук профил дека прима терапија со хидроксихлорокин.
– За сите кои ја критикуваат и се против терапијата со хидроксихлорокин, а не нудат алтернатива, жалам, но јас го примам овој лек и се чувствувам добро и со Божја помош ќе продолжам да живеам уште долго по коронавирусот, објави Болсонаро.
Тој објави видео снимка, на која ја прима својата трета доза на хидроксихлорокин, лек кој го промовираше и американскиот претседател Доналд Трамп, но чија ефикасност во лекувањето на заболените од Ковид-19 не е докажана, според исказите од СЗО.
Brazil's president Jair Bolsonaro takes hydroxychloroquine as #COVID19 treatment after revealing he has #coronavirus.
Read more on this story: https://t.co/R0VAtcwxPE pic.twitter.com/tCgGVTtJLJ
— SkyNews (@SkyNews) July 8, 2020
Во Бразил досега се потврдени повеќе од 1,5 милиони случаи на заразени со коронавирус и над 65.000 починати лица.