Туниската полиција употреби солзавец за да ги растера антивладините демонстранти од пред Министерството за внатрешни работи.
Демонстрантите во знак на протест поради убиството на опозицискиот пратеник Мохамед Брахими го блокираа централниот булевар во Тунис и поставија шатори, а потоа седнаа на земја пред Министерството за внатрешни работи и извикуваа „Долу партијата на Муслиманското братство, долумачителите на народот“.
Тие се против поврзаноста меѓу владејачката партија на Тунис Ан Нахда и Муслиманското братство во Египет.
Според организаторите од градот Сиди Бузид, каде беше роден убиениот пратеник, како и од Сфакс и Гафса се упатиле демонстранти во главниот град за да се придружат на протестите и да побараат распуштање на Парламентот.
