Венецуелскиот Национален избирачки совет соопшти дека ќе изврши проверка на сите гласачки ливчиња од претседателските избори.
Според венецуелското изборно законодавство по завршување на гласање се извршува проверка на 54 отсто од предадените гласачки ливчиња во присуство на претставници на сите политички сили чии претставници учествуваат во изборите. Од одлуката на НИС следува дека претстои државна проверка и на останатите 46 отсто од гласовите.
Претседателката на Изборната комисија рече дека не станува збор за повторно пребројување на гласовите туку за ревизија на гласачките ливчиња кои не биле проверени во изборниот ден.
За 10 дена ќе бидат проверени првиот дел од гласачките ливчиња додека целиот процес ќе биде вкупно 30 дена. Кандидатот на опозицијата Енрике Каприлес изјави дека го одобрува решението на изборната комисија.