Властите на Венецуела денес запленија еден тон кокаин, кој криумчарите се обиделе да го прошверцуваат со авионот.
Министерот за правда Нестор Реверол, соопшти во телевизиското обраќање, дека авионот бил пресретнат во југозападната држава Апуре, во близина на границата со Колумбија.
Реверол изјави дека авионот бил забележан во петокот и дека бил следен од војската на земја и во воздух. Во операцијата, исто така, бил вклучен и еден хеликоптер, кој се нашол во вкрстен оган кој го разменувале армијата и шверцерите.
Во судирот никој не е повреден, а криумчарите успеале да избегаат , рече Реверол.