Министерот за надворешни работи на Ватикан, надбискупот Пол Ричард Галагер, денес повика на прекин на војната во Украина, по средбата со рускиот министер за надворешни работи Сергеј Лавров во Москва.
– Итно е и неопходно да се прекине војната и да се погледне подалеку од конфликтот, рече Галагер на заедничката прес-конференција со Лавров.
Тој рече дека секој ден што војната продолжува создава нови жртви и дополнително го комплицира идното помирување, објавува „Москва Тајмс“.