СAД најавија дека ќе деблокираат дополнителни сто милиони долари помош за Украина како поддршка на Киев во спротивставувањето на руската инвазија.
На Украина „итно и требаат повеќе противтенковски системи ’Javelin’ какви САД ги доставија на Украина и кои успешно се користат во одбраната на земјата“, изјави портпаролот на Пентагон, Џон Кирби.
„Светот беше шокиран и згрозен од злосторствата извршени од припадниците на руските сили во Буча и низ цела Украина“, се вели во соопштението на американскиот државен секретар Антони Блинкен.
Десетици тела беа откриени во украинскиот град Буча по повлекувањето на руските војници.
„САД и нашите сојузници и партнери силно го поддржуваат суверенитетот и територијалниот интегритет на Украина“, додаде тој.
Шефот на американската дипломатија потврди дека од почетокот на руската инвазија на 24 февруари досега на Украина и се доделени вкупно 1,7 милијарди долари американска помош.
Извор: МИА