Повеќе од 130 припадници на Тајната служба во САД се во изолација поради позитивни тестови на коронавирусот или изложеност на соработници кој бил позитивен на тестот, пренесува Вашингтон пост.
Официјални лица за Пост изјавија дека веруваат дека случаите барем делумно произлегуваат од предизборниот митинг на претседателот Трамп пред денот на изборите.
Бројот на офицери принудени да отсуствуваат од службена должност – околу 10 отсто од неговиот основен тим за безбедност – може да ја погоди тајната служба, принудувајќи на прекувремена работа и пропуштени слободни денови.
– Да не бидат на работа над 100 офицери е многу проблематично. Тоа не е добро за безбедноста на Белата куќа, изјави поранешен висок припадник на тајната служба за Пост.
Во Белата куќа позитивни на Ковид-19 се шефот на кабинетот Марк Медоус, секретарот на ХУД, Бен Карсон и советникот за кампања Кори Левандовски. Голем број други официјални лица и присутни во изборната ноќ исто така се позитивни.