Валас: Загриженоста на Турција за Шведска и Финска може да се реши

Од:

Британскиот министер за одбрана Бен Валас денеска изјави дека верува оти постои начин да се реши загриженоста на Турција во врска со приемот на Шведска и Финска во НАТО.

– Мислам дека постои начин. Мислам дека ќе дојдеме до тоа на крајот и многу е важно да ги слушаме сите членови и нивните грижи во процесот. Ние секако ќе ја сослушаме Турција, рече Валас во говорот во британскиот парламент.

Тој додаде дека за тоа ќе разговара со турскиот министер за одбрана.

Претходно денеска турскиот претседател Реџеп Тајип Ердоган изјави дека Анкара им кажала на своите сојузници дека ќе даде негативен одговор на прашањето за членството на Шведска и Финска во НАТО.

Тој ги обвини двете земји дека кријат и финансираат „терористи“, како и дека ги снабдуваат со оружје, зборувајќи за милитантната Курдската работничка партија (ПКК) и сириската курдска милиција (ИПГ), за кои тврди дека се тесно поврзани.

– НАТО е безбедносен сојуз и не можеме да прифатиме во него да има терористи, рече Ердоган.

Извор: МИА

Би можело да ве интересира

ВИДЕО: Илјадници луѓе излегоа на анти-НАТО протест во Мадрид

Катерина Павлова-Николовска

Фуат Октај: Шведска и Финска се уште не ги исполниле условите на Турција за влез во НАТО

Бајден Џонсон: Г7 и НАТО мора да се држат заедно по прашањето на руската агресија на Украина

Катерина Павлова-Николовска

Џоана: Самитот на НАТО во Мадрид ќе биде историски и ќе донесе добри вести за Романија, но и за Украина

А1он

Џонсон: Ќе ја послушам пораката на гласачите

Ана Ололовска

Лидерот на британските ториевци Оливер Дауден поднесе оставка

Ана Ололовска