Лидерите на сите земји-членки на ЕУ денеска порачаа дека се обединети во борбата против тероризмот и најавија дека в понеделник ширум Унијата ќе се одржи едноминутно молчење во спомен на жртвите од нападите во Париз.
– Нападот на Франција е напад врз сите нас, се наведува во заедничкото соопштение на шефовите на држави и влади на 28-те држави членки на ЕУ по повод синоќешните терористички напади во Париз, во кои загинаа најмалку 128 луѓе.
Тие порачаа дека со сите средства ќе се борат против екстремизмот, тероризмот и омразата и нема да дозволат да дојде до поделби, страв и омраза, како што посакуваат терористите.
Во соопштението се додава дека 13 ноември од сега ширум ЕУ ќе се одбележува како Ден на жалост.