Претседателот на Русија, Владимир Путин утрешниот ден го прогласи за ден на жалост за жртвите од автобуската несреќа и поплавите во Краснодар. Руското државно знаме насекаде во државата и амбасадите низ светот, ќе биде поставено на половина копје, а руските телизиски и радио станиците треба да се воздржат од емитување забавна програма.
Поплавите беа едни од најлошите што и се имаат случено на Русија во последниве години, неколку градови и области во регионот Краснодар се уништени, а загинаа најмалку 150 луѓе. Повеќе од 6.000 куќи се поплавени во регионот, а поради поплавите имаше и застој во снабдувањето со електрична енергија, патниот и железничкиот сообраќај.
Русија утре ќе жали и за жртвите од автобуската несреќа во која загинаа 14 лица. Во автобусот имало 43 патници кои патувале од Русија кон Украина.