Уругвајскиот лидер ги разреши највисоките воени функционери

Од:

Уругвајскиот министер за одбрана, неговиот заменик и шефот на армијата беа разрешени од функциите поради наводно прикривање на злоупотребите на човековите права извршени за време на воената власт.

Претседателот Табаре Васкез ги отпушти тројцата највисоки воени функционер бидејќи сокриле информации за исчезнувањето на левичарски бунтовник Роберто Гоменсоро.

Овој потег дојде само два дена откако уругвајскиот весник “Ел Опсервадор” ги откри деталите за сведочењето на воениот трибунал од минатата година од страна на Хозе Гавацо.

Гавацо, кој отслужува затворска казна за тортура, убиства и исчезнувања извршени за време на неговото време со Канцеларијата за координација на анти-субверзивни операции, рече дека го фрлил телото на левичарскиот бунтовник Роберто Гоменсоро во Рио Негро .

Сепак, спротивно на правилата на Трибуналот, информациите за признанието на Гавацо не биле предадени на судството и деталите за тоа што тој го кажал не биле објавени.

Претседателот Васкез не го коментираше скандалот, но локалните медиуми објавија дека тој “се чувствувал предаден” кога прочитал за признанието на Гавацо во Ел Опсервадор.

Скоро 200 жртви на военото владеење сè уште се водат за исчезнати и потрагата по нив продолжува. Роднините на исчезнатите рекоа дека ја поддржале одлуката на претседателот Васкез да го разреши воениот врв во врска со скандалот со Гавацо.

Се проценува дека околу 7.000 политички затвореници биле држени, а многумина биле малтретирани во текот на годините на воена власт.

Би можело да ве интересира

Во Уругвај и Аргентина: 16 загинати во силно невреме

За Мизрахи, Филипче, Васев и Нухи имаат најголема одговорност за Онкологија: СДСМ ќе бара оставка од неа

Орце Костов

Мизрахи бара продолжување на работата на Анкетната за Онкологија

Орце Костов

Дафина Стојановска: Не му е ова првпат, Маричиќ заборава дека не е во филм за возрасни

Орце Костов

(ВИДЕО) Маричиќ и испрати бакнежи на пратеничката Дафина Стојановска: „Лигав еден, како не ти е срам“

Орце Костов

ОЈО: Да се изберат тројца онколошки пациенти кои ќе имат увид во целата постапка

А1он