Унгарскиот министер за надворешни работи Петер Сијарто остро реагираше на одлуката на полскиот суд да го ослободи украинскиот државјанин Володимир Журављов, осомничен за вмешаност во терористичкиот напад врз гасоводот „Северен тек“. Сијарто ја нарече акцијата на Варшава „невиден скандал“.
– Според полското мислење, ако не ви се допаѓа инфраструктурата во Европа, можете да ја дигнете во воздух. Полска не само што ослободи терорист, туку и му оддава почит – до тоа дошло европското владеење на правото, рече унгарскиот министер за надворешни работи.
Тој додаде дека одлуката на судот во Варшава практично е „прелиминарна дозвола за терористички напади во Европа“ и оцени дека таков пристап ги поткопува темелите на заедничката безбедност во рамките на ЕУ.
Одлуката на судот претходно ја поддржа полскиот премиер Доналд Туск, кој рече дека е „точна“ и дека „случајот е затворен“. Украинецот Володимир Журавлев беше уапсен во Полска на барање на германските власти под сомнение за вмешаност во нападот врз гасоводот „Северен тек“ во Балтичкото Море. Окружниот суд во Варшава му одреди притвор од седум дена на 1 октомври, потоа му го продолжи притворот за уште 40 дена, а во петокот донесе одлука да го ослободи и одби да ја екстрадира во Германија.
